एजेन्सी । इन्डियन प्रिमियर लिग (आईपीएल) क्रिकेटमा नेपाली लेग स्पिनर सन्दीप लामिछाने आबद्द दिल्ली क्यापिटल्सले अहिले राजस्थान रोयल्ससँग प्रतिस्पर्धा गर्दैछ ।
सारजाह क्रिकेट स्टेडियममा राजस्थानविरुद्ध दिल्लीले पहिले ब्याटिङ गर्ने भएको छ । राजस्थानले टस जितेर फिल्डिङ रोजेपछि दिल्लीले ब्याटिङ गर्न लागेको हो ।
तर, सन्दीपले सिजनको छैटौं खेल पनि खेल्ने छैनन् । दिल्लीले राजस्थानविरुद्धको खेलका लागि सन्दीपलाई प्लेईङ सेटमा राखेको छैन ।
तेस्रो पटक आईपीएल खेलिरहेका सन्दीप लगातार छैटौं खेलमा टिममा नपरेका हुन् ।
दिल्ली आज पाँचौ जितको खोजीमा रहेको छ । अघिल्ला ५ खेलमा ४ जितसहित ८ अंक जोडेर दिल्ली दोस्रो स्थानमा रहेको छ ।
दिल्ली राजस्थानलाई हराएर शीर्ष स्थानमा उक्लन चाहन्छ ।
राजस्थान भने तेस्रो जितको खोजीमा रहेको छ । राजस्थान ५ खेलमा ४ अंक जोडेर पुछारबाट दोस्रो स्थानमा रहेको छ ।
दिल्लीलाई हराएर राजस्थान अंक तालिका सुधार गर्न चाहन्छ ।
-1736609631.jpeg)
-1736605265.jpeg)
