एजेन्सी । युएईमा जारी १३ औं संस्करणको इन्डियन प्रिमियर लिग (आईपीएल) टी-ट्वान्टी क्रिकेटमा आज (शुक्रबार) दिल्ली क्यापिटल्स र राजस्थान रोयल्सबीच प्रतिस्पर्धा हुँदैछ ।
सारजाहमा नेपाली लेग स्पिनर सन्दीप लामिछाने आबद्द दिल्ली र राजस्थान आफ्नो छैटौं खेलका लागि मैदान उत्रने छन् । दिल्ली र बैंगलोरबीचको खेल नेपाली समय अनुसार साँझ ७:४५ बजे सुरु हुनेछ ।
सारजाह क्रिकेट स्टेडियममा दिल्ली पाँचौ जितको खोजीमा हुनेछ । अघिल्ला ५ खेलमा ४ जितसहित ८ अंक जोडेर दिल्ली दोस्रो स्थानमा रहेको छ ।
श्रेयस एयरको कप्तानीमा मैदान उत्रने दिल्ली राजस्थानलाई हराएर शीर्ष स्थानमा उक्लन चाहन्छ ।
दिल्लीले यस सिजन उत्कृष्ट प्रदर्शन समेत गरिरहेको छ । तर, यस सिजन सन्दीपले दिल्लीबाट खेल्ने मौका पाएका छैनन् । दिल्लीले सन्दीपलाई अघिल्ला पाँच खेलमा बेञ्चमा राखेको थियो ।
छैटौं खेलमा समेत सन्दीपले मौका पाउने सम्भावना निकै कम रहेको छ ।
यता, स्टिभ स्मिथको कप्तानीमा मैदान उत्रने राजस्थान तेस्रो जितको खोजीमा हुनेछ । राजस्थान ५ खेलमा ४ अंक जोडेर पुछारबाट दोस्रो स्थानमा रहेको छ ।
दिल्लीलाई हराएर राजस्थान अंक तालिका सुधार गर्न चाहन्छ ।
राजस्थानले दिल्लीविरुद्ध कप्तान स्मिथ सहित डेभिड मिल्नर, जोफ्रा आर्चर, रोबिन उथप्पा, सन्जु सामसन, श्रेयस गोपाल लगायतका खेलाडी मैदान उतार्ने छन् ।
दिल्लीसँग पृथ्वी श, शिखर धवन, श्रेयस आयर, ऋषब पन्त, मार्कुस स्टोनिस, अक्षर पटेल, कागिसो राबडा जस्ता खेलाडीको साथ रहने छ ।
-1736609631.jpeg)
-1736605265.jpeg)
