एजेन्सी । साबिकको विजेता तथा विश्व नम्बर एक स्पेनिस राफायल नाडाल युएस ओपन टेनिसको क्वाटरफाइनलमा प्रवेश गरेका छन् ।
सोमबार बिहान भएको खेलमा जर्जियाका निकोलोज बसिलाशविलीलाई हराएर नाडालले क्वाटरफाइनलको यात्रा तय गरेका हुन् ।
३२ वर्षीय नाडालले निकोलोजविरुद्ध ६-३,६-३,६-७(६-८) र ६ - ४ को जित निकाले । यो संगै नाडाल यो वर्ष चार ग्राण्डस्लाम टेनिसको क्वाटरफाइनलमा स्थान बनाउन सफल भएका छन् ।
अब नाडालले नवौं वरीयताका अष्ट्रेलियाका डोमिनिक थिमसंग खेल्नेछन् ।
युएस ओपन अन्तर्गत नै अमेरिकाका जोन इस्नरले क्वाटरफाइनलमा स्थान बनाएका छन् ।
