एजेन्सी । स्विस टेनिस स्टार रोजर फेडेरर युएस ओपनको टेनिसको तेस्रो चरणमा प्रवेश गरेका छन् । शुक्रबार बिहान भएको दोस्रो चरणको खेलमा फ्रान्सका बेनोइट पेरेलाई हराएर फेडेररले तेस्रो चरणको यात्रा तय गरेका हुन् ।
न्युयोर्कमा पाँच पटकको च्याम्पियन फेडेररले पेरेलाई ७-५,६-४ र ६-४ को जित निकाले । २० पटकको ग्राण्डस्लाम च्याम्पियन फेडेररले पेरेमाथि जित निकाल्न १ घण्टा ५६ मिनेट लगाएका थिए ।
दोस्रो वरीयताका ३७ बर्षिय फेडेररले तेस्रो चरणमा निक क्रिगिओससंग खेल्ने छन् ।
पुरुषतर्फ नै सर्बियाका नोभाक जोकोभिच, शीर्ष वरीयताका स्पेनिस राफायल नाडाल, जापानका केइ निशिकोरीले पनि तेस्रो चरणमा स्थान पक्का गरेका छन् ।
महिलातर्फ चौथो वरीयता प्राप्त जर्मनीकी एन्जलिक केर्बेर, अमेरिकन सेरेना विलियम्स र फ्रान्सका किकी बेर्टेन्सले तेस्रो चरणको यात्रा तय गरिसकेका छन् ।
