जोई हार्ट टोटेनहममा

एजेन्सी । इंग्लिस क्लब टोटेनहमले इंग्लिस गोलकिपर जोई हार्टलाई अनुबन्ध गरेको छ ।

टोटेनहमले मंगलबार हार्टलाई अनुबन्ध  जनाएको छ ।

३३ वर्षीय गोलकिपरले टोटेनहमसँग दुई वर्षको सम्झौता गरेका छन् ।

टोटेनहमले फ्रि ट्रान्सफरमा गोलकिपर हार्टलाई अनुबन्ध गरेको हो ।

हार्टले २०१९/२० को सिजनको अन्त्यसँगै बर्नली छाडेका थिए ।

म्यानचेस्टर सिटीका पूर्व गोलकिपर हार्ट सन् २०१८ मा बर्नली आएका थिए ।

सिटीका लागि उनले दुई प्रिमियर लिग, दुई लिग कप र एक एफए कप जितेका थिए ।

इंग्ल्यान्डका लागि उनले ७५ क्याप खेलेका छन् ।