विलियम्स लिभरपुलमै बस्न सहमत

एजेन्सी । लिभरपुलका युवा डिफेन्डर निको विलियम्सले क्लबसँग नयाँ सम्झौता गरेका छन् ।

१९ वर्षीय राइट ब्याक विलियम्सले सोमबार लिभरपुलसँग नयाँ सम्झौता गरेका हुन् ।

लिभरपुलले डिफेन्डर विलियम्सले लामो समय क्लबमा रहने गरी सम्झौता गरेको जनाएको छ ।

प्रिमियर लिग च्याम्पियन लिभरपुलले कति वर्षको सम्झौता गरेको भन्नेबारे भने केहि खुलाएको छैन ।

वेल्सका यू-२० टोलीका सदस्य विलियम्सले गत अक्टोबरमा सिनियर टिममा डेब्यु गरेका थिए ।

डेब्यु सिजन ५ प्रिमियर लिगसहित १० खेल खेलेका थिए । उनी लिभरपुलले गत वर्ष फिफा क्लब विश्वकप जित्दा समेत टिममा रहेका थिए ।

नयाँ सिजनका लागि लिभरपुलले अष्ट्रियामा प्रि-सिजन तयारी गरिरहेको छ ।

लिभरपुल आउने सिजन पनि प्रिमियर लिगको उपाधि जित्ने लक्ष्यमा रहेको छ ।

लिभरपुलले सन् २०१९/२० को सिजन उपाधि जितेको थियो । जुन लिभरपुलले ३० वर्षपछि लिगको उपाधि जितेको हो ।