एजेन्सी । इंग्ल्यान्डले अलराउन्डर मोइन अलीलाई आयरल्याण्डविरुद्धको एकदिवसीय सिरिजका लागि उपकप्तान चयन गरेको छ ।
घरेलु भूमिमा हुने तीन खेलको सिरिजका लागि इंग्ल्यान्डले अलीलाई उपकप्तान चयन गरेको हो ।
आयरल्याण्डविरुद्ध टिमको कप्तानी भने इयान मोर्गनले गर्ने छन् ।
साउथह्याम्पटनको एजेस बाउलमा दुई टोलीबीच जुलाई ३० बाट सिरिज सुरु हुनेछ ।
कोरोना भाईरसलाई मध्येनजर गर्दै जैविक रूपमा सुरक्षित बनाउन सिरिज बन्द रंगशालामा हुनेछ ।
लेग स्पिनर माट पार्किनसनले भने आयरल्याण्डविरुद्धको सिरिज गुमाउने छन् । एन्कल चोटका कारण उनले सिरिज गुमाउने भएका हुन् ।
