एजेन्सी । यसै वर्ष हुने तय भएको आईसीसी टी-ट्वान्टी विश्वकपको सेमिफाइनलमा 'रिजर्भ डे' राख्ने तयारी गरिएको छ ।
क्रिकेट अष्ट्रेलियाले यस वर्षको अन्तिममा हुने टी ट्वान्टी विश्वकपमा 'रिजर्भ डे' राख्न प्रस्ताब गर्ने तयारी गरेको हो ।
यसअघि, महिला टी ट्वान्टी विश्वकपको नकआउट चरणमा 'रिजर्भ डे' नराखिएको कारण ठुलो आलोचना भएको थियो ।
केहि हप्ता अघि सम्पन्न महिला टी ट्वान्टी विश्वकपको सेमिफाइनलमा भारत र इंग्ल्याण्डको खेल वर्षाले प्रभावित भएको थियो ।
र, समुह चरणको नतिजाको आधारमा नखेलेरै भारत फाइनल प्रवेश गरेको थियो ।
त्यसको विश्वभर आलोचना भएको थियो ।
पुरुष टी ट्वान्टी विश्वकप १८ अक्टोबरबाट सुरु हुँदै छ ।
सार्वजनिक भएको खेल तालिकामा फाइनल अघि कुनै 'रिजर्भ डे' राखिएको छैन ।
महिला विश्वकपमा ठुलो आलोचना खेपेको अन्तराष्ट्रिय क्रिकेट परिषद (आईसीसी) ले आउने बैठकमा यसबारे छलफल गर्ने भएको हो ।
आईसीसीको बोर्डले यदि सार्वजनिक तालिकामा हेरफेर चाहे प्रस्ताब पारित हुने छ ।
-1735651318.jpg)
