फेडेररको जित, सेरना पराजित

एजेन्सी । स्विस टेनिस स्टार रोजर फेडेरर सिनसिनाटी मास्टर्स टेनिसको तेस्रो चरणमा प्रवेश गरेका छन् ।

बुधबार भएको खेलमा जर्मनीका पिटर गोजोव्स्कीकलाई हराएर फेडेररले तेस्रो चरणको यात्रा तय गरेका हुन् ।

अमेरिकाको ओहियोमा भएको खेलमा फेडेररले पिटरलाई ६ – ४ र ६ – ४ को सोझो सेटमा पराजित गरे ।

दोस्रो बरियताका फेडेररले अब तेस्रो चरणमा अर्जेन्टिनाका लियोनार्दो मेयरसंग खेल्नेछन् ।

३७ बर्षीय फेडेररले आठ पटक सिनसिनाटी मास्टर्सको उपाधि जितेका छन् ।

महिलातर्फ अमेरिकी सेरेना विलियम्स भने दोस्रो चरणबाट बाहिरिएकी छिन् ।

सेरेना चेक रिपब्लिककी पेट्रा केभिटोभासंग ६ – ३, २ – ६ र ६ – ३ ले पराजित भईन् ।

सेरेनाले सन् २०१५ मा सिनसिनाटी मास्टर्सको उपाधि जितेकी थिइन् ।