एजेन्सी । घरेलु टिम दक्षिण अफ्रिकाविरुद्धको पहिलो टी-ट्वान्टी अन्तर्राष्ट्रिय क्रिकेटमा अष्ट्रेलियाले सानदार जित निकालेको छ ।
जोहन्सवर्गमा शुक्रबार राति अष्ट्रेलियाले दक्षिण अफ्रिकालाई १ सय ७ रनले हराएको हो ।
अष्ट्रेलिया दिएको १ सय ९७ रनको लक्ष्यसहित जवाफी ब्याटिङ गरेको दक्षिण अफ्रिका १४ ओभर ३ बलमा अलआउट हुँदै ८९ रनमा समेटियो ।
अष्ट्रेलियन बलर चम्किएपछि दक्षिण अफ्रिकी ब्याट्सम्यान सस्तैमा समेटियो । उसका फाप डु प्लेसिसले सर्वाधिक २४ रन जोड्दा कागिसो राबडाले २२ रन बनाए ।
दक्षिण अफ्रिकालाई सस्तैमा समेट्न एस्टन एगरले ह्याट्रिकसहित पाँच विकेट लिए । उनले सातौं ओभरको चौंथो, पाँचौं र अन्तिम बलमा विकेट लिँदै ह्याट्रिक पुरा गरेका हुन् । टी-ट्वान्टी अन्तर्राष्ट्रियमा ह्याट्रिक लिने उनी दोस्रो अष्ट्रेलियन खेलाडी हुन् ।
यस्तै एडम जाम्पा र पाट कमिन्सले २/२ विकेट लिए ।
यस अघि टस हारेर पहिले ब्याटिङ गरेको अष्ट्रेलियाले २० ओभरमा ६ विकेट गुमाएर १ सय ९६ रन बनाएको थियो । अष्ट्रेलियाका स्टिभ स्मिथले ४५ रन जोड्दा कप्तान आरोन फिन्चले ४२ रन जोडे ।
दक्षिण अफ्रिकाका डेल स्टेन र ताब्रेइज शाम्सीले २/२ विकेट लिए ।
जितसँगै ३ खेलको सिरिजमा अष्ट्रेलियाले १-० को अग्रता बनाएको छ ।
-1735138694.jpeg)
-1735136879.JPG)
