एजेन्सी । पाहुना टिम दक्षिण अफ्रिकाविरुद्धको पहिलो टी-ट्वान्टी अन्तराष्ट्रियमा इंग्ल्यान्ड पराजित भएको छ ।
इस्ट लण्डनमा बुधबार राति भएको रोमान्चक खेलमा इंग्ल्यान्ड दक्षिण अफ्रिकासँग १ रनले पराजित भएको हो ।
दक्षिण अफ्रिकाले दिएको १ सय ७८ रनको लक्ष्यसहित जवाफी ब्याटिङ गरेको इंग्ल्यान्डले २० ओभरमा ९ विकेट गुमाएर १ सय ७६ रन बनायो ।
इंग्ल्यान्डका जासन रोयले ७० तथा कप्तान इयान मोर्गनले ५२ रनको अर्धशतकीय इनिङ्स खेलेपनि टोलीलाई जित दिलाउन सकेनन् ।
दक्षिण अफ्रिकाका लुंगी नेग्दीले ३ विकेट लिए । एडिले र बेउरन हेन्ड्रीक्सले २/२ विकेट लिए ।
यस अघि टस हारेर पहिले ब्याटिङ गरेको दक्षिण अफ्रिकाले २० ओभरमा ८ विकेट गुमाएर १ सय ७७ रन बनाएको थियो । उसका टेम्बा बाभुनाले ४३ रन बनाए । कप्तान क्विनटन डी कक र भान डेर डुसेनले समान ३१/३१ रन बनाए ।
इंग्ल्यान्डका क्रिस जोर्डनले २ विकेट लिए ।
पहिलो खेल जितेसँगै दक्षिण अफ्रिकाले ३ खेलको सिरिजमा १-० को अग्रता बनाएको छ ।
-1735138694.jpeg)
-1735136879.JPG)
