काठमाडौं । हिमालयन क्रिकेट लिगको मुख्य प्रायोजकमा अर्कीड कलेजले सहकार्य गर्ने भएको छ ।
१९ बर्ष मुनिको दुई दिवसीय क्रिकेट लिगका लागि मुख्य प्रायोजकको रुपमा अर्कीड कलेजले साथ दिने भएको हो ।
हिमालय स्पोर्टस् म्यानेजमेन्टद्धारा आयोजनामा सञ्चालन हुने प्रतियोगिता फागुन ५ देखि १८ गतेसम्म हुन गईरहेको छ । प्रतियोगिताका सम्पूर्ण खेल मुलपानी क्रिकेट मैदानमा हुनेछ ।
क्रिकेट विकासका लागि महत्वपूर्ण मानिने लामो ढाचाको क्रिकेट प्रतियोगितालाई हेरेर दुई दिवसीय उमेर समूहको लिग सञ्चालन गर्न लागिएको हो ।
प्रतियोगिताको विजेता टिमले १ लाख ५० हजार र उपविजेता टिमले ७५ हजार रुपैयाँ प्राप्त गर्नेछ ।
साथै, प्रतियोगिताको उत्कृष्ट खेलाडी, व्याटसम्यान, बलर र उदयीमान खेलाडीलाई पनि पुरस्कारको व्यवस्था गरिएको आयोजकले जनाएको छ ।
-1735138694.jpeg)
-1735136879.JPG)
