मुर्रे सिनसिनाटी मास्टर्सबाट बाहिरिए

एजेन्सी । पुर्व विश्व नम्बर एक वेलायती टेनिस खेलाडी एन्डी मुर्रे सिनसिनाटी मास्टर्सको पहिलो चरणबाट बाहिरिएका छन् । सोमबार राति भएको खेलमा फ्रान्सका लुकास पाउलीसंग पराजित हुँदै मुर्रे पहिलो चरणबाट बाहिरिएका हुन् ।

३ पटकको ग्राण्डस्लाम बिजेता मुर्रेलाईलुकासले ६ - १, १ - ६ र ६ - ४ ले हराए । यो संगै मुर्रेको तेस्रो पटक सिनसिनाटी मास्टर्सको उपाधि जित्ने लक्ष्य तुहिएको छ । ३१ बर्षिय मुर्रेले सन् २००८ र २०११ मा सिनसिनाटी मास्टर्स जितेका थिए । 

मुर्रेले सिनसिनाटी मास्टर्सकै लागि वासिङ्गटन ओपन टेनिसको क्वाटरफाइनलबाट नाम फिर्ता लिएका थिए ।