काठमाडौं । विश्वकप छनोटको रुपमा रहेको आईसीसी विश्वकप क्रिकेट लिग–२ अन्तर्गतको तेस्रो खेलमा नेपालले अहिले ओमानसँग प्रतिस्पर्धा गरिरहेको छ ।
कीर्तिपुरस्थित त्रिवि क्रिकेट मैदानमा नेपालले दिएको २ सय ५० रनको लक्ष्यसहित ओमानले जवाफी ब्याटिङ गरिरहेको छ । नेपालविरुद्ध ओमानका अकिब इलासले शतक पुरा गरेका छन् ।
उनले १०२ बलमा १२ चौका र १ छक्कासहित १०२ रन पुरा गरे । अकिबको यो एकदिवसीय अन्तर्राष्ट्रियमा पहिलो शतक हो ।
