काठमाडौं । १३ औं दक्षिण एसियलाी खेलकुद सागमा स्वर्ण जित्ने फुटलब टिमका सदस्यले जनही साढे ५ लाख रुपैयाँ पाउने भएका छन् ।
अखिल नेपाल फुटबल संघको आईतबार बसेको कार्यसमिति बैठकले स्वर्ण विजेता खेलाडीलाई जनही साढे ५ लाख रुपैयाँ दिने घोषणा गरेका हुन् ।
काठमाडौंमा सकिएको सागमा नेपालले भुटानलाई हराउँदै सागमा स्वर्ण जितेको थियो ।
स्वर्ण विजेता खेलाडीको सम्मानमा एन्फाले प्रत्येक खेलाडीलाई जनही साढे ५ लाख दिने निर्णय गरेको हो ।
सरकारले सागमा स्वर्ण जित्ने टिम गेम्सका खेलाडीलाई जनही ५ लाख दिने घोषणा यसअघिनै गरिसकेको छ ।
यस्तै, सागमा उपविजेता बनेको महिला फुटबल टिमका सदस्यले जनही साढे १ लाख रुपैयाँ पाउने भएका छन् ।
घरेलु भूमिका भएको सागमा महिला फुटबल टिमले रजत पदकमै चित्त बुझाउन परेको थियो ।
यस्तै, एन्फाले बी डिभिजन लिगको तयारी खर्च वापत क्लबहरुलाई १० लाख रुपैयाँ दिने भएको छ ।
यस्तै बी डिभिजनको लिग च्याम्पियन क्लबले १५ लाख रुपैयाँ प्राप्त गर्नेछ । दोस्रो हुनेले ८ लाख र तेस्रोले ५ लाख रुपैयाँ प्राप्त गर्नेछ ।
बैठकले सी डिभिजनका क्लबहरुलाई तयारी खर्च वापत ७ लाख रुपैयाँ दिने निर्णय गरेको छ ।
कार्यसमिति बैठकले महिला लिगको पुरस्कार रकम समेत तय गरेको छ । महिला लिगको विजेताले १५ लाख र दोस्रोले ८ लाख, तेस्रोले ५ लाख र चौथोले ३ लाख रुपैयाँ प्राप्त गर्नेछन् ।
