काठमाडौं । आईसीसी विश्वकप क्रिकेट लिग–२ अन्तर्गत पहिलो खेलको रुपमा नेपालले अहिले ओमानसँग प्रतिस्पर्धा गरिरहेको छ ।
टियु क्रिकेट मैदानमा ओमानले दिएको १ सय ९८ रनको लक्ष्यसहित नेपालले जवाफी ब्याटिङ गरिरहेको छ ।
ओमानविरुद्ध नेपालका शरद भेषवाकरले अर्धशतक पुरा गरेका छन् ।
शरदले ९६ बलमा ५० रन बनाएका हुन् ।
एकदिवसीय अन्तर्राष्ट्रिय क्रिकेटमा अर्धशतक बनाउने शरद छैटौं खेलाडी हुन् ।
यस्तै शरद घरेलु मैदानमा एकदिवसीय अन्तर्राष्ट्रियमा अर्धशतक पुरा गर्ने पहिलो खेलाडी बने ।
