भारतद्वारा न्युजिल्याण्डलाई १ सय ६४ रनको लक्ष्य

एजेन्सी । न्युजिल्याण्डविरुद्धको पाँचौं तथा अन्तिम टी-ट्वान्टी अन्तराष्ट्रिय क्रिकेटमा भारतले १ सय ६४ रनको लक्ष्य प्रस्तुत गरेको छ ।

टस जिटेर पहिले ब्याटिङ गरेको भारतले निर्धारित २० ओभरमा ३ विकेट गुमाएर १ सय ६३ रन बनायो । उसका कप्तान रोहित शर्माले सर्वाधिक ६० रनको अर्धशतकीय इनिङ खेले । ४१ बलमा ३ चौका र ३ छक्का प्रहार गरेका रोहित रिटायर्ड हर्ट भए ।

यस्तै लोकेस राहुलले ४५ रन बनाउँदा श्रेयस आयरले अविजित ३३ रन बनाए ।

न्युजिल्याण्डका स्कट कुग्लिजिन र हामीस बेन्निटले समान १/१ विकेट लिए ।

पाँच खेलमा पाँच जित हात पार्दै भारत घरेलु टिमविरुद्धको सिरिज व्हाइटवास गर्न चाहन्छ ।

यसअघिको २ खेलमा भारतले सुपर ओभरमा जित निकालेको थियो ।

न्युजिल्याण्ड भ्रमणमा रहेको भारतले टी-ट्वान्टी पछि तीन एकदिवसीय र दुई टेष्ट खेल खेल्नेछ ।