एजेन्सी । पाकिस्तानका अफ स्पिनर बिलाल आसिफ र बलिङ अलराउन्डर फाहिम आश्रफले पाकिस्तानी टेष्ट क्रिकेट टिममा पुनरागमन गरेका छन् ।
पाकिस्तानले बंगलादेशसँगको टेष्टका लागि घोषणा गरेको टिममा बिलाल र फाहिम अटाएका छन् ।
पाकिस्तानले घोषणा गरेको १६ सदस्सीय टिममा दुवै खेलाडी परेका हुन् । बिलाल र फाहिम श्रीलंकासँगको सिरिजमा टिममा थिएनन् ।
आईसीसी टेष्ट च्याम्पियनसिप अन्तर्गत पाकिस्तानले बंगलादेशसँग दुई खेलको सिरिज खेल्नेछ । पहिलो टेष्ट फेब्रुवरी ७ बाट सुरु हुनेछ ।
यस्तै बंगलादेशले पनि सिरिजका लागि टिम घोषणा गरेको छ । बंगलादेशले घोषणा गरेको टिममा तामिम इकबालले पुनरागमन गरेका छन् ।
