नेपाल र भारतबीचको तेस्रो मैत्रीपूर्ण खेल आज

काठमाडौं । भारत भ्रमणमा रहेको नेपाली राष्ट्रिय भलिबल टिमले आज भारतको राष्ट्रिय टिमसँग तेस्रो मैत्रीपूर्ण खेल खेल्दैछ ।

बैंगलोरमा हुने नेपाल र भारतबीचको मैत्रीपूर्ण साँझ ५ बजेपछि हुनेछ । साउदर्न साई कभर्डहलमा हुने खेल पाँच सेटको हुनेछ ।

यस अघिका दुई मैत्रीपूर्ण खेलमा नेपाल पराजित भएको थियो । 

नेपालमा आयोजना हुने १३ औं दक्षिण एसियाली खेलकुद (साग) को तयारी गर्न नेपाली टिम भारत गएको हो ।

नेपाली टोलीले भारतमा बिहान ७ देखि ९ र बेलुका ३ देखि ५ बजेसम्म दुई चरणको तयारी गरिरहेको छ ।

नेपालमा आयोजना हुने १३ औं साग मंसिर १५ देखि २४ गतेसम्म काठमाडौं, जनकपुर र पोखरामा सञ्चालन हुनेछ ।