काठमाडौं । एसियन सिनियर महिला सेन्ट्रल जोन भलिबल च्याम्पियनसिपमा नेपालले पहिलो प्रतिद्वन्दीको रुपमा माल्दिभ्ससंग प्रतिस्पर्धा गर्ने भएको छ ।
बंगलादेशमा पहिलो पटक आयोजना हुन लागेको प्रतियोगितामा नेपालले आगामी आईतबार माल्दिभ्ससंग खेल्ने तालिका सार्वजनीक भएको हो ।
प्रतियोगितामा नेपाल सहित अफगानिस्तान, कीर्गिस्तान, माल्दिभ्स, र बंगलादेशले प्रतिस्पर्धा गर्नेछन् ।
नेपालले सोमबार अफगानिस्तान, मंगलबार कीर्गिस्तान र बुधबार बंगलादेशसंग खेल्नेछ ।
राउण्ड रोबिन लिगका आधारमा सञ्चालन हुने प्रतियोगिताको शीर्ष दुई टिम उपाधिका लागि प्रतिस्पर्धा गर्नेछन् ।
तेस्रो र चौथो हुने टिमले तेस्रो र चौथो स्थान हासिलका लागि पुन प्रतिस्पर्धा गर्नेछन् ।
प्रतियोगिता कात्तिक २३ देखि २८ गतेसम्म सञ्चालन हुनेछ ।
-1732413260.jpg)
