साइक्लिङका राष्ट्रिय च्याम्पियन नारायणको निधन

काठमाण्डौं  । साइक्लिङका राष्ट्रिय च्याम्पियन नारायण गोपाल महर्जनको श्रीलंकामा निधन भएको छ । अफ रोड साइक्लिङ प्रतियोगिताको दौरान दुर्घटनामा परी नारायणको निधन भएको नेपाल साइक्लिङ एसोसियसनले जानकारी गराएको छ ।

श्रीलंकामा बुधबार भएको अफ रोड साइक्लिङ रेसकै दौरान कुदा ओया नदीमा खसेर नारायणको निधन भएको एसोसियसनले जनाएको हो । साइकलसहित नदीमा खसेर बेपत्ता भएका नारायणको शव केहि घण्टापछि भेटिएको थियो ।

श्रीलंकाको पाँच दिने अन्तर्राष्ट्रिय साइक्लिङ प्रतियोगिता रम्बल इन द जंगलमा नारायणसहित अजय पण्डित र बुद्धि बहादुर तामाङले सहभागी जनाएका थिए । नेपाल च्याम्पियन नारायणको निधनपछि नेपाल साइक्लिङ एसोसियसनले दुख व्यक्त गरेको छ ।