१३ औं सागमा किन थपियो क्रिकेट र प्याराग्लाइडिङ ?

गृहपृष्ठ
अन्य

शनिबार, साउन ५, २०७५ खेलपाटी संवाददाता

काठमाडौं । नेपालमा आयोजना हुने १३ औं दक्षिण एसियाली खेलकुद प्रतियोगिता (साग)मा दुई खेल थपिने भएको छ । काठमाडौंमा शनिबार बसेको दक्षिण एसियाली ओलम्पिक काउन्सिलको बैठकले १३ औं सागमा क्रिकेट र प्याराग्लाइडिङ थप गर्ने निर्णय गरेको हो ।

सरकारले क्रिकेट र प्याराग्याईडिङ खेल थप्न नेपाल ओलम्पिक कमिटिलाई प्रस्ताव गरेको थियो । सोही आग्रह अनुसार नेपाल ओलम्पिक कमिटका अध्यक्ष जिवनराम श्रेष्ठले काउन्सिलको बैठकमा खेल थप सम्बन्धित प्रस्ताव गरेका थिए । श्रेष्ठको प्रस्तावमा सदस्य राष्ट्रले सहमती जनाएपछि थिए ।

यस अघिको काउन्सिलको बैठकले १३ औ सागमा २५ खेल राख्ने निर्णय गरेको थियो । राष्ट्रिय खेलकुद परिषदका सदस्य सचिव केशवकुमार विष्टले लोकप्रियताको हिसावमा क्रिकेट र पदकको सम्भावनाको हिसावमा प्याराग्याईडिङ थप्ने निर्णय भएको खेलपाटीलाई बताए ।

साग खेलमा क्रिकेट दोस्रो पटक र प्याराग्लाइडिङ पहिलो पटक समावेश गरिएको हो । क्रिकेटमा ओलम्पिक खेलकुद सरहको यु-२३ टोलीले खेल्ने छन् ।

अब नेपालमा हुने साग गेम्समा २७ खेलमा प्रतिस्पर्धा हुने भएको छ । यसअघिको बैठकले १३ औ सागमा २५ खेल समावेश गर्ने निर्णय गरेको थियो । साग गेम्स अर्को बर्ष मार्च ९ देखी १८ सम्म काठमाडौं र पोखरामा हुदैछ ।

१३ औं सागमा कुन कुन खेल समावेश ?

भलिबल

फुटबल

क्रिकेट

एथलेटिक्स

बास्केटबल

बक्सिङ

आर्चरी

तेक्वान्दो

कराते

ब्याडमिण्टन

साइक्लिङ