एजेन्सी । सर्बियन स्टार नोभाक जोकोभिचले यो बर्षको विम्बल्डन टेनिसको उपाधि जितेको छ । आइतबार भएको फाइनलमा दक्षिण अफ्रिकी खेलाडी केभिन एण्डरसनलाई हराउदै जोकोभिचले उपाधि हात पारेका हुन् ।
सेन्टर कोर्टमा १२ औं बरियताका जोकोभिचले आठौं बरियताका एण्डरसनलाई ६-२,६-२ र ७-६ (७-३) ले हराए । योसंगै जोकोभिजले चौथों पटक विम्बल्डन टेनिसको उपाधि जितेको छ ।
जोकोभिचले यसअघि सन् २०११,२०१४ र २०१५ मा विम्बल्डन टेनिसको उपाधि जितेका थिए ।३१ बर्षीय जोकोभिचको यो १३ औं ग्राण्डस्लाम उपाधि हो ।
जोकोभिजले विश्व नम्बर दुई राफायल नाडाललाई हराउदै फाइनल यात्रा तय गरेका थिए । यस्तै एण्डरसनले अमेरिकाका जोन इस्नरलाई हराएर फाइनलमा स्थान बनाएका थिए ।
