सेमिफाइनलमा नाडाल र जोकोभिक भिड्ने

एजेन्सी । स्पेनिस स्टार राफायल नाडाल विम्बल्डन टेनिसको सेमिफाइनलमा प्रवेश गरेका छन् । बुधबार राति भएको क्वाटरफाइनलमा अर्जेन्टिनाका मार्टीन डेल पोट्रोलाई हराउदै नाडालले सेमिफाइनलमा स्थान सुरक्षित गरेको हो ।

सेन्टर कोर्टमा भएको खेलमा दोस्रो बरियताका नाडालले पाँचौ बरियताका पोट्रोलाई ७-५,६-७,४-६,६-४ र ६–४ को सेटमा हराए । योसंगै नाडालले ७ बर्षपछि विम्बल्डनको अन्तिम चारमा स्थान पक्का बनाउन सफल भएको छ । १७ पटकको ग्राण्डस्लाम बिजेता नाडालले २ पटक विम्बल्डन टेनिसको उपाधि हात पारेका छन् ।

अब नाडालले फाइनल प्रवेशको लागि सर्बियाका नोभाक जोकोभिकसंग खेल्नेछ । १२ पटकको ग्राण्डस्लाम बिजेता जोकोभिक जापानका केई निशिकोरीलाई हराएर सेमिफाइनलमा पुगिसकेको छ ।