एजेन्सी । सर्बियन स्टार नोभाक जोकोभिक विम्बल्डन टेनिसको सेमिफाइनलमा प्रवेश गरेका छन् । बुधबार भएको खेलमा जापानका केइ निशिकोरीलाई हराउदै जोकोभिकले अन्तिम चारमा स्थान पक्का गरेका हुन् ।
सेन्टर कोर्टमा १२ औं बरियताका जोकोभिकले निशिकोरीलाई ६-३,३-६,६-२ र ६-२ ले हराए । योसंगै जोकोभिले सन् २०१५ पछि पहिलोपटक विम्बल्डनको सेमिफाइनलमा स्थान बनाए । तीन पटकको बिजेता जोकोभिकको यो ३२ औं ग्राण्डस्लाम सेमिफाइनल हो ।
अब जोकोभिकले फाइनल प्रवेशको लागि राफायल नाडाल र डेल पोर्टोबीचको बिजेतासंग खेल्ने छन् ।
