पाकिस्तानविरुद्ध इंग्ल्याण्ड बलिङमा

एजेन्सी । आईसीसी एकदिवसीय विश्वकप क्रिकेटमा अहिले घरेलु टोली इंग्ल्याण्ड र पाकिस्तानबीच प्रतिस्पर्धा हुँदैछ ।

नटिङघममा घरेलु टोली इंग्ल्याण्डले टस जितेको छ र पहिले फिल्डिङ रोजेको छ । इंग्ल्याण्डले बलिङ रोजेपछि पाकिस्तानले केहि बेरमा ब्याटिङ थाल्नेछ ।

घरेलु टोली इंग्ल्याण्ड लगातार दोस्रो जित निकाल्ने लक्ष्यसहित मैदान उत्रने छन् । पहिलो खेलमा दक्षिण अफ्रीकालाई पराजित गरेको इंग्ल्याण्ड उक्त जितलाई निरन्तरता दिने योजनामा हुनेछ ।

यता, पाकिस्तान भने पहिलो जितको खोजीमा मैदान उत्रने छ  । पहिलो खेलमा वेष्ट इण्डिजसंग पराजित पाकिस्तान पहिलो जितको शिकार इंग्ल्याण्डलाई बनाउने योजनामा हुनेछ ।