बंगलादेशविरुद्ध बलिङ गर्दै दक्षिण अफ्रीका

एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा अहिले दक्षिण अफ्रीका र बंगलादेशबीच प्रतिस्पर्धा हुँदैछ ।

लण्डनमा केनिङटन ओभलमा दक्षिण अफ्रीकाले सुरुवातमा बलिङ गर्ने भएको छ  । दक्षिण अफ्रीकाले टस जितेर फिल्डिङ रोज्दै बंगलादेशलाई सुरुवातमा ब्याटिङको निम्तो दिएको हो । 

आज दुवै टोली जित निकाल्दै विश्वकपमा उत्कृष्ट सुरुवात गर्ने लक्ष्यमा हुनेछन् । पहिलो खेलमा दुवै टिम २ अंक जोड्न चाहन्छ ।

तुलनात्मक रुपमा बंगलादेश भन्दा दक्षिण अफ्रिकी टोली बलियो देखिएको छ । तर, बंगलादेशले पहिलो खेलमा दक्षिण अफ्रीकालाई कडा चुनौती दिने बताएको छ ।

विश्वकपमा यसअघि आयोजक इंग्ल्याण्ड, अष्ट्रेलिया, न्युजिल्याण्ड र वेष्ट इण्डिजले विजयी सुरुवात गरिसकेका छन् ।