एजेन्सी । १२ औं संस्करणको आईसीसी एकदिवसीय विश्वकप क्रिकेट अन्तर्गत दोस्रो खेलमा अहिले पाकिस्तान र वेष्ट इण्डिजबीच प्रतिस्पर्धा हुँदैछ ।
इंग्ल्याण्डको नटिङघममा वेष्ट इण्डिजले पाकिस्तानविरुद्ध पहिले बलिङ गर्ने भएको छ । वेष्ट इण्डिजले टस जितेर पहिले फिल्डिङ रोज्दै पाकिस्तानलाई सुरुवातमा ब्याटिङको निम्तो दिएको हो ।
यसअघि उद्घाटन खेलमा इंग्ल्याण्डले विजयी सुरुवात गरिसकेको छ । इंग्ल्याण्डले दक्षिण अफ्रीकालाई १०४ रनले पराजित गरेको थियो ।
