आठौंका लागि कुस्ती खेलाडी छनोट

काठमाडौं ।आठौं राष्ट्रिय खेलकुदका लागि प्रदेश ३ बाट ९ पुरुष र १ महिला गरी १० खेलाडी छनोट भएका छन् ।

छनोट भएका मध्ये ८ खेलाडी काठमाडौं र बाँकी २ ललितपुरबाट रहेको प्रदेश ३ खेलकुद परिषद्का कार्यालय प्रमुख लीलाराम बस्नेतले जनाएका छन् ।

पुरुष ५७ केजीमा राकेश पाण्डे, ६१ केजीमा जादुलाल यादव, ६५ केजीमा शैलेन्द्रकुमार यादव, ७० केजीमा कृष्ण कुमार, ७४ केजीमा नवीन हुसैन राउट, ७९ केजीमा सुनिलप्रसाद साह, ८६ केजीमा समिम राउत, ९२ केजीमा रविन बुढाथोकी र ९७ केजीमा विनोदकुमार यादव रहेका छन् ।

महिला ७६ केजीमा सबनम पाण्डे छिन् । राकेश र सबनम ललितपुरका हुन् । बाँकी ८ खेलाडी काठमाडौंका हुन् ।

यस्तै प्रदेश २ बाट सहभागी हुने फुल कन्ट्याक्ट कराते खेलाडी छनोट भएका छन् । ६ पुरुष र ४ महिला गरी १० खेलाडी छनोट भए ।

पुरुषतर्फ सर्लाहीका जभुना साह खुला, सुदिक श्रेष्ठ ६५ केजी, विश्व लामा ६० केजी र प्रवीण माझी ५५ केजी, बाराका जुगुनीकुमार दास ५० केजी तथा पर्साका विशाल कुश्वाहा ४५ केजीमा छनोट भए ।

महिला खुलामा सर्लाहीकी कोपिला राई, ५५ केजीमा पर्साकी स्नेहा महतो, ४५ केजीमा सर्लाहीकी अन्जना ढुंगेल र ५० केजीमा पर्साकी रेडिसा भण्डारी छन् ।