नेपालको ऐतिहासिक जित

काठमाडौं। नेपालले साफ महिला फुटसल च्याम्पियनसिपमा ऐतिहासिक जित हात पारेको छ।

थाइल्यान्डको बैंककस्थित नन्थाबुरी स्टेडियममा बुधबार सम्पन्न खेलमा नेपालले माल्दिभ्सलाई ५–० ले हराएको हो। नेपालले महिला फुटसलमा हात पारेको यो पहिलो जित हो।

नेपालले जारी प्रतियोगिताको पहिलो खेलमा श्रीलंकासँग २–२ गोलको बराबरी खेलेको थियो। माल्दिभ्सको भने यो लगातार दोस्रो हार हो।

यसअघि भारतसँग ११–१ ले पराजित भएको थियो। जितसँगै नेपालले दुई खेलबाट ४ अंक पुर्‍याएको छ।