दीपेन्द्रले एकदिवसीय क्रिकेटमा पूरा गरे एक हजार रन

काठमाडौं। अलराउन्डर दीपेन्द्रसिंह ऐरीले एकदिवसीय क्रिकेटमा एक हजार रन पूरा गरेका छन्।

उनले आइतबार आइसिसी क्रिकेट विश्वकप लिग २ अन्तर्गत घरेलु टोली स्कटल्यान्डसँग खेल्दै उपलब्धि हासिल गरेका हुन्।

उनले यो उपलब्धि हासिल गर्न ६४ खेल कुर्नुपर्‍यो। उनले यसबीचमा एक शतक र ३ अर्धशतक प्रहार गरे।

एकदिवसीय क्रिकेटमा एक हजार रन पूरा गर्ने उनी पाँचौं नेपाली खेलाडी हुन्। यसअघि कप्तान रोहितकुमार पौडेल, ओपनर आसिफ शेख र कुशल भुर्तेल तथा मध्यक्रमका आरिफ शेखले यो उपलब्धि हासिल गरिसकेका छन्।