नेपाल र स्कटल्यान्ड भिड्दै

काठमाडौं। अंक तालिकामा कमजोर बन्दै गएको नेपालले आइसिसी क्रिकेट विश्वकप लिग २ मा सोमबार स्कटल्यान्डसँग खेल्दैछ।

यी दुईबीचको खेल अपरान्ह्र ३:४५ बजे सुरु हुनेछ। नेपालले यो खेलअघि स्कटल्यान्डको ए टोलीसँग दुई अभ्यास खेल खेलेको थियो।

पहिलो खेलमा नेपाल १०२ रनले पराजित भएको थियो। अर्को खेल भने नतिजाविहीन भएको थियो। 

अंक तालिकामा स्कटल्यान्ड १६ खेलबाट २० अंक बटुल्दै चौथो स्थानमा छ। चार खेल कम खेलेको नेपाल भने स्कटल्यान्डभन्दा चार स्थान तल नै छ। 

नेपालले १२ खेल सक्काउँदा जम्मा ६ अंक हात पारेको छ।