ब्वाइज युनियनको पुनरागमन जित

काठमाडौं। ब्वाइज युनियन क्लबले सहिद स्मारक ‘बी’ डिभिजन लिगमा पुनरागमन जित हात पारेको छ।

सातदोबाटोस्थित अखिल नेपाल फुटबल संघ (एन्फा) कम्प्लेक्समा मैदानमा आइतबार सम्पन्न खेलमा ब्वाइज युनियनले सरस्वती युथ क्लबलाई २–१ ले पराजित गरेको हो।

खेलको २६औं मिनेटमै विशाल लामाको गोलमार्फत सरस्वतीले सुरुआती अग्रता लिएको थियो। तर, उक्त अग्रता ९ मिनेटभन्दा बढी टिकेन। 

३५औं मिनेटमा दिब्यविक्रम चौधरीले गोल गर्दै ब्वाइज युनियनलाई खेलमा फर्काए। दोस्रो हाफको अतिरिक्त समयको पहिलो मिनेटमा मिलन लामाले गोल गर्दै ब्वाइज युनियनको जित सुनिश्चित गरे।