काठमाडौं। नमुना स्पोट्स क्लबको आयोजनामा हुने दोस्रो संस्करणको मझुवागढी कालिका भगवती कप खुल्ला अन्तर वडास्तरीय फुटबल प्रतियोगिता पुस २० गतेबाट सुरु हुने भएको छ।
प्रतियोगिताको विजेताले एक लाख ५१ हजार १११ र उपविजेताले एक लाख एक हजार १११ रुपैयाँ पाउने छन्। सेमिफाइनलमा पुग्ने टोलीले ७१ हजार ११० रुपैयाँ पाउने आयोजकले जनाएको छ।
बेस्ट प्लेयर, बेस्ट डिफेन्डर, बेस्ट मिडफिल्डर, बेस्ट किपर, बेस्ट कोच, सर्वाधिक गोलकर्ता र अनुशासित टिमलाई पाँच हजार प्रदान गरिने छ। प्रतियोगितामा सहभागिताको लागि टिम दर्ता शुल्क पाँच हजार ५०० लाग्ने आयोजकले जनाएको छ।
प्रतियोगितामा सहभागी टिमले खोटाङ जिल्ला भित्रका चार जना, जिल्ला बाहिरका तीन जनागरी वडाभन्दा बाहिरका सात खेलाडी समावेश गराउने पाउने आयोजकले जनाएको छ। प्रतियोगिता खोटाङ जिल्लाभित्रका १६ वटा टिम मात्रै सहभागी हुनेछन्। टिम दर्ताको लागि पुस १५ गतेसम्म समय रहेको छ भने खेल तालिका पुस १६ गते सार्वजनिक हुनेछ।
