काठमाडौं । अखिल नेपाल फुटबल संघ (एन्फा) का अध्यक्ष पंकज विक्रम नेम्वाङ एसियाली फुटबल महासंघ (एएफसी) को डेभलपमेन्ट कमिटिको उपाध्यक्षमा मनोनित भएका छन् ।
एन्फाले बुधबार अध्यक्ष नेम्वाङ कमिटिको उपाध्यक्ष मनोनित भएको जनाएको छ ।
डेभलपमेन्ट कमिटि एएफसीको महत्त्वपूर्ण कमिटि हो । जसले सदस्य संघहरू र क्षेत्रीय संघहरूलाई निर्देशन गर्छ । यस कमिटिले सदस्य र क्षेत्रीय फुटबलको विकास र संचालन गर्न सहयोग गर्छ ।
नेम्वाङ एएफसीको कार्यसमिति सदस्य समेत हुन् । एएफसीको ३३ औं चुनावी कंग्रेसबाट नेम्वाङ कार्यसमिति सदस्यमा निर्वाचित भएका थिए ।
-1732712797.jpeg)
