काठमाडौं । पहिलो संस्करणको महिला प्रिमियर लिग (डब्लुपीएल) मार्च ४ बाट सुरु हुने भएको छ ।
भारतीय क्रिकेट कन्ट्रोल बोर्ड (बीसीसीआई) का अनुसार ४ मार्चमा सुरु हुने लिग मार्च २६ सम्म संचालन हुनेछ ।
पहिलो संस्करणको डब्लुपीएलका खेलहरु मुम्बईको ब्रेबोर्नी स्टेडियम र डीवाई पाटिल स्टेडियममा हुनेछ ।
बीसीसीआई का अनुसार फेब्रुअरी १३ मा खेलाडी अक्सन हुनेछ । खेलाडी अक्सन भारतको मुम्बई शहरमा हुनेछ ।
बीसीसीआई का अनुसार १५ सय खेलाडीले नाम दर्ता गराएका र अक्सनका लागि खेलाडीको अन्तिम सूची यसै साता सार्वजनिक गरिने छ ।
अक्सनमा अधिकतम ९० खेलाडीमा बोली लाग्नेछ । पाँच टोली रहेको डब्लुपीएलमा एक टोलीले न्युनतम १५ देखि अधिकतम १८ जनासम्म खेलाडी अनुबन्ध गर्न पाउने छ ।
दक्षिण अफ्रिकामा हुने महिला टी–ट्वान्टी विश्वकपको फाइनल भएको छ दिनपछि डब्लुपीएल सुरु हुनेछ ।
केही साता अघि डब्लुपीएलका पाँच टोली बीसीसीआईले ४६६९.९९ करोड भारतीय रुपैयामा बिभिन्न कम्पनीलाई बिक्रि गरेको थियो ।
बीसीसीआईले डब्लुपीएलको प्रशारण अधिकार भायकम १८ लाई ९५१ करोड भारुमा २०२३ देखि २०२७ को बीचमा पाँच वर्षको अवधिको लागि बेचेको थियो ।
पहिलो पाँच वर्षमा मिडिया राइट्सबाट प्राप्त हुने रकमको ८० प्रतिशत रकम पाँच फ्रेन्चाइजलाई वितरण गरिने छ
