काठमाडौं । अष्ट्रेलियाका ओपनर ब्याटर आरोन फिन्चले अन्तराष्ट्रिय क्रिकेटबाट सन्यास घोषणा गरेका छन् ।
अष्ट्रेलियाको टी-ट्वान्टीका पूर्व कप्तान समेत रहेका फिन्चले ३६ वर्षको उमेरमा अन्तराष्ट्रिय क्रिकेटबाट सन्यास लिएका हुन्।
ब्याटर फिन्चले अन्तराष्ट्रिय क्रिकेटबाट सन्यास घोषणा गरेपनि घरेलु लिगहरु खेल्ने छन् ।
फिन्चले बिग बास लिग र अन्य घरेलु टी-ट्वान्टी लिगहरु खेल्ने छन् ।
फिन्चले गत सेप्टेम्बरमा एकदिवसीय अन्तराष्ट्रियबाट सन्यास लिएका थिए ।
फिन्चले अष्ट्रेलियाका लागि ५ टेस्ट, १४६ एकदिवसीय र १०३ टी-ट्वान्टी अन्तराष्ट्रिय खेलेका छन् ।
सन्यास घोषणा गर्दै फिन्चले अष्ट्रेलियाका लागि खेल्न पाउनु अविश्वसनीय सम्मान भएको बताएका छन् ।
