काठमाडौं । पाहुना टोली अस्ट्रेलियाका तिब्र गतिका बलर जोस हेजलउडले भारतविरुद्धको पहिलो टेस्ट गुमाउने भएका छन् ।
भारत र अस्ट्रेलियाबीच चार खेलको टेस्ट सिरिज हुदैछ ।
हेजलवुड गत महिना दक्षिण अफ्रिकाविरुद्धको टेस्टका क्रममा घाईते भएका थिए ।
हेजलउडको अनुपस्थितिमा स्कट बोल्याण्डले मौका पाउने सम्भावना रहेको छ । यदी उनले मौका पाएमा विदेशमा आफ्नो पहिलो टेस्ट खेल्ने छन् ।
अस्ट्रेलियाले आईसीसी विश्व टेस्ट च्याम्पियनसिपको महत्वपूर्ण खेलका लागि आफ्नो तीब्र बलिङ आक्रमणको अर्को महत्वपूर्ण सदस्य गुमाएको छ ।
यस अघि नै अनुभवी तीब्र गतिका बलर मिचेल स्टार्क चोटका कारण सिरिजको पहिलो खेलबाट बाहिरीसकेका छन्।
भारत र अस्ट्रेलियाबीचको पहिलो टेस्ट आगामी बिहिबारबाट नागपुरमा सुरु हुनेछ ।
