दक्षिण अफ्रीकामाथि पाकिस्तानको जित

काठमाडौं । आईसीसी पुरुष टी-ट्वान्टी विश्वकप क्रिकेटमा पाकिस्तानले दक्षिण अफ्रीकालाई हराएको छ ।

अष्ट्रेलियाको सिड्नीमा बिहीबार वर्षले प्रभावित खेलमा पाकिस्तान दक्षिण अफ्रीकालाई डीएल पद्दतिको आधारमा ३३ रनले हराएको हो ।

पाकिस्तानले दिएको १ सय ४२ रनको लक्ष्यसहित जवाफी ब्याटिङ गरेको दक्षिण अफ्रीकाले निर्धारित १४ ओभरमा ९ विकेट गुमाएर १ सय ८ रन मात्र बनाउन सक्यो ।

दक्षिण अफ्रीकाले ब्याटिङ गरिरहदा वर्षा भएपछि खेल १४ ओभरमा घटाईएको थियो । र, डीएलको आधारमा दक्षिण अफ्रीकाले नयाँ लक्ष्य पाएको थियो ।

दक्षिण अफ्रीकाका लागि कप्तान टेम्बा बाभुमाले ३६ रन जोडे ।

यस्तै एडिन मार्क्रमले २०,ट्रिस्टान स्टुब्सले १८ र हेईनरिच क्लासेनले १५ रन बनाए ।

पाकिस्तानका शहिन शाह अफ्रिदीले ३ तथा सादब खानले २ विकेट लिए ।

त्यसअघि पहिले ब्याटिङ गरेको पाकिस्तानले २० ओभरमा ९ विकेट गुमाएर १ सय ८५ रन बनाएको थियो ।

पाकिस्तानका लागि सादब खानले ५२ तथा इफ्तिखर अहमदले ५१ रनको अर्धशतकीय इनिङ खेले ।

मोहमद नवाज र मोहमद हरिसले समान २८/२८ रन जोडे ।

दक्षिण अफ्रीकाका एन्रिच नोर्कियाले ४ विकेट लिए ।

यस जितसँगै पाकिस्तानले सेमिफाइनल पुग्ने सम्भावना कायम राखेको छ ।

समूह २ मा रहेको पाकिस्तानले ४ खेलमा ४ अंक जोडेको छ ।

पाकिस्तान समूह तेस्रो स्थानमा उक्लिएको छ ।

दक्षिण अफ्रीकाले ४ खेलमा ५ अंक जोडेको छ ।

दक्षिण अफ्रीका तेस्रो स्थानमा रहेको छ ।