महिला एसिया कप : भारत र श्रीलंका फाईनलमा

काठमाडौं । महिला एसिया कपको फाईनलको समिकरण पूरा भएको छ ।

शनिबार हुने फाईनलमा भारत र श्रीलंकाले खेल्ने भएका छन् ।

बिहिबार सिलेट क्रिकेट मैदान बंगलादेशमा भएको दुई सेमिफाईनल खेलमा विजयी भएका भारत र श्रीलंकाले फाईनल खेल्ने भएका छन्  ।

पहिलो सेमिफाईनलमा भारतले थाईल्याण्डलाई ७४ रनले पराजित गरेको थियो ।

भारतले दिएको १ सय ४९ रनको लक्ष्य पछ्याएको थाईल्याण्डले २० ओभरमा ९ विकेट गुमाएर ७४ रन मात्र बनाउन सक्यो।

दोस्रो सेमिफाईनलमा श्रीलंकाले पाकिस्तानलाई रोमान्चक रुपमा १ रनले पराजित गरेको थियो ।

श्रीलंकाले दिएको १ सय २३ रनको लक्ष्य पछ्याएको पाकिस्तानले २० ओभरमा ६ विकेट गुमाएर १ सय २१ रन मात्र बनाउन सक्यो ।