कुशल फेरि बेन्चमा

काठमाडौं । पाकिस्तान जुनियर क्रिकेट लिग (पीजेसीएल) मा नेपाली राष्ट्रिय क्रिकेट टिमका अलराउन्डर कुशल मल्ल आबद्ध ग्वादार शार्कले आफ्नो दोस्रो खेलमा पहिले बलिङ गर्ने भएको छ ।

शार्कको दोस्रो खेल हैदराबाद हन्टरविरुद्ध टस जितेर पहिले बलिङको निर्णय लिएको हो । खेल पाकिस्तानको लाहोरमा रहेको गद्दाफी क्रिकेट मैदानमा हुनेछ । नेपाली अलराउन्डर मल्ल भने प्लेईङ-११ मा रहेका छैनन् ।

शार्क लगातार दोस्रो जितको खोजीमा रहेको छ । पहिलो खेलमा शार्कले रावलपिण्डी राईडर्सलाई पराजित गरेको थियो। यता, हैदराबाद भने दोस्रो खेलमा पहिलो जितको खोजीमा रहेको छ ।

पहिलो जितसँगै शार्क अंक तालिकाको दोस्रो स्थानमा उक्लिएको छ । पीजेसीएलको ड्राफ्टबाट कुशललाई ग्वादार शार्कले छैटौं चरणमा अनुबन्ध गरेको थियो ।

१८ वर्षीय कुशलले नेपालका लागि ८ एकदिवसीय तथा १५ टी-ट्वान्टी अन्तराष्ट्रिय खेलेका छन् । कुशलले कम उमेरमा एकदिवसीय अन्तराष्ट्रियमा अर्धशतकको कीर्तिमान समेत बनाएका थिए ।

कुशल यस अघि यूएईमा आयोजना हुने टी-१० लिगमा समेत सहभागीता जनाईसकेका छन् ।