बेयर्स्टो २०२३ सम्म मैदान बाहिर

काठमाडौं । इंग्ल्यान्डका ब्याट्सम्यान जोनी बेयर्स्टो आगामी २०२३ सम्म मैदान बाहिर रहने भएका छन् ।

खुट्टाको चोटको शल्यक्रिया गरेपछि ब्याट्सम्यान बेयर्स्टो २०२३ सम्म मैदान बाहिर रहने भएका हुन् ।

बेयर्स्टोको शल्यक्रिया सफल भएको बताईएको छ । तर, उनले यस वर्ष क्रिकेट खेल्ने छैनन् ।

३३ वर्षीय बेयर्स्टो गल्फ खेल्ने क्रममा लडेर घाइते भएका थिए । उनले देब्रे खुट्टाको चोट बोकेका थिए ।

चोटकै कारण उनले अष्ट्रेलियामा आयोजना हुने टी-ट्वान्टी विश्वकप खेल्ने छैनन् ।

यस्तै बेयर्स्टोले गत सेप्टेम्बरमा दक्षिण अफ्रीकाविरुद्धको तेस्रो टेस्ट गुमाएका थिए ।