काठमाडौं । आईसीसी पुरुष क्रिकेट विश्वकप लिग टु अन्तर्गतको त्रिदेशीय सिरिजका लागि अमेरिकामा रहेका नेपाली राष्ट्रिय क्रिकेट टोली शनिबार नेपाल आईपुग्ने भएका छन् ।
नेपाल क्रिकेट संघ (क्यान) ले नेपाली टोली शनिबार दिउँसो नेपाल आईपुग्ने जनाएको छ ।
नेपालले अमेरिका भ्रमणमा चार खेल खेलेको थियो ।
बिहीबार बिहान भएको खेलमा नेपाललाई अमेरिकाले ३९ रनले हराएको थियो।
सिरिज अन्तर्गत नै यस अघिको भेटमा नेपाल र अमेरिकाबीचको खेल 'टाइ' भएको थियो ।
यस सिरिज अन्तर्गत नेपाल पहिलो खेलमा ओमानसँग १३ रनले पराजित भएको थियो । यस्तै ओमानविरुद्धको दोस्रो भेटमा नेपालले ७ विकेटको जित निकालेको थियो ।
लिग टु को अंक तालिकामा नेपाल पाँचौं स्थानमा रहेको छ ।
नेपालले १६ खेलमा १५ अंक जोडेको छ ।
