विश्वकप लिग टु : नेपाल र अमेरिका भिड्दै

काठमाडौं ।  आईसीसी पुरुष क्रिकेट विश्वकप लिग टु अन्तर्गतको त्रिदेशीय सिरिजमा नेपालले आज बुधबार अमेरिकासँग प्रतिस्पर्धा गर्दैछ ।

टेक्ससस्थित मोसा क्रिकेट मैदानमा नेपालले आज राति घरेलु टोली अमेरिकाविरुद्ध प्रतिस्पर्धा गर्नेछ । नेपाल र अमेरिकाबीचको खेल नेपाली समय अनुसार राति ९:१५ बजे सुरु हुनेछ ।

अमेरिकाविरुद्ध मैदान उत्रदा नेपाल सिरिजमा लगातार दोस्रो जितको खोजीमा हुनेछ । नेपालले मंगलबार राति ओमानलाई हराएको थियो ।

नेपाल अमेरिकालाई हराएर २ अंक जोड्दै सिरिजको सुखद अन्त्य गर्न चाहन्छ । अमेरिका पनि नेपाललाई हराएर सिरिजमा सुखद अन्त्य गर्ने योजनामा हुनेछ ।

नेपाल र अमेरिकाबीचको पछिल्लो पाँच भेटमा नेपालले तीन खेल जितेको छ    ।

सिरिज अन्तर्गत नै यस अघिको भेटमा भने नेपाल र अमेरिकाबीचको खेल 'टाइ' भएको थियो  ।

लिग टु को अंक तालिकामा नेपाल पाँचौं स्थानमा रहेको छ ।

नेपालले १५ खेलमा १५ अंक जोडेको छ ।

अमेरिका २३ खेल २१ अंक जोडेर चौंथो स्थानमा रहेको छ ।

सिरिज अन्तर्गत नेपाल पहिलो खेलमा ओमानसँग १३ रनले पराजित भएको थियो ।

ओमानविरुद्धको दोस्रो भेटमा भने नेपालले ७ विकेटको जित निकालेको थियो ।