म्यानुएल नोयाद्वारा सम्झौता नवीकरण

काठमाडौं । जर्मन क्लब बायर्न म्युनिखका गोलकिपर म्यानुएल नोयाले क्लबसँगको सम्झौता नवीकरण गरेका छन् ।

बुन्डेसलिगा च्याम्पियन बायर्नले सोमबार गोलकिपर नोयाले सम्झौता नवीकरण गरेको जनाएको छ ।

जर्मन गोलकिपर नोया अब २०२४ सम्म बायर्नमा रहने छन् ।

यस सिजनको उपाधि जित्ने क्रममा उनले १० क्लिन सिट राखेका थिए ।

३६ वर्षीय नोया २०११ मा शाल्केबाट बायर्न आएका थिए ।

नोयाले बायर्नका लागि ४ सय ७२ खेल खेलिसकेका छन् ।