बैंगलोरलाई हराउँदै राजस्थान शीर्ष स्थानमा

काठमाडौं । राजस्थान रोयल्सले इन्डियन प्रिमियर लिग (आईपीएल) टी-ट्वान्टी क्रिकेटमा छैटौं जित निकालेको छ ।

पुनेमा मंगलबार राति रोयल च्यालेन्जर्स बैंगलोरलाई २९ रनले हराउँदै राजस्थानले छैटौं जित निकालेको हो ।

राजस्थानले दिएको १ सय ४५ रनको लक्ष्य पछ्याएको बैंगलोर १९ ओभर ३ बलमा १ सय १५ रन मात्र बनाउन सक्यो ।

बैंगलोरका लागि कप्तान फाप डु प्लेसिसले सर्वाधिक २३ रन जोड्दा वानिन्दु हसरंगाले १८ रन बनाए ।

साहबाज अहमेदले १७  तथा रजत पाटिदरले १६ रन बनाए ।

राजस्थानका कुलदिप सेनले ४ विकेट लिए । रविचन्द्र आश्विनले ३ तथा प्रसिद्ध किसनले २ विकेट लिए ।

त्यसअघि पहिले ब्याटिङ गरेको राजस्थानले २० ओभरमा ८ विकेट गुमाएर १ सय ४४ रन जोडेको थियो ।

राजस्थानका रियान परागले ५६ रनको अर्धशतकीय इनिङ खेले । यस्तै कप्तान सन्जु सामसनले २७ तथा रविचन्द्र आश्विनले १७ रन जोडे ।

बैंगलोरका मोहमद सिराज, जोश हाजलउड र वानिन्दु हसरंगाले २/२ विकेट लिए ।

जितसँगै राजस्थान शीर्ष स्थानमा उक्लिएको छ ।

राजस्थानले ८ खेलमा १२ अंक जोडेको छ ।  

बैंगलोर ९ खेलमा १० अंक जोडेर पाँचौ स्थानमा रहेको छ ।