राजस्थानलाई हराउँदै गुजरात शीर्ष स्थानमा
काठमाडौं । नवप्रवेशी टोली गुजरात टाइटन्स इन्डियन प्रिमियर लिग (आईपीएल) टी-ट्वान्टी क्रिकेटको शीर्ष स्थानमा उक्लिएको छ ।
मुम्बईमा बिहीबार राति राजस्थान रोयल्सलाई ३७ रनले हराउँदै गुजरात शीर्ष स्थानमा उक्लिएको हो ।
गुजरातले दिएको १ सय ९३ रनको लक्ष्य पछ्याएको राजस्थानले २० ओभरमा ९ विकेट गुमाएर १ सय ५५ रन मात्र बनाउन सक्यो ।
राजस्थानका लागि जोश बट्लरले ५४ रनको अर्धशतकीय इनिङ खेले । शिम्रन हिटमायरले २९ तथा रियान परागले १८ रन जोडे । जेम्स निशमले १७ तथा कप्तान सन्जु सामसनले ११ रन बनाए ।
गुजरातका लकी फर्गुसन र यश डायलले ३/३ विकेट लिए ।
त्यसअघि पहिले ब्याटिङ गरेको गुजरातले २० ओभरमा ४ विकेट गुमाएर १ सय ९२ रन जोडेको थियो ।
गुजरातका लागि कप्तान हार्दिक पाण्डयले अविजित रहदै ८७ रनको अर्धशतकीय इनिङ खेले । अभिनव मनोहरले ४३ रन जोडे ।
राजस्थानका कुलदिप सेन,युजभेन्द्र चाहल र रियान परागले १/१ विकेट लिए ।
यस जितसँगै गुजरातले ५ खेलमा ८ अंक जोडेको छ ।
गुजरातको यो चौंथो जित हो ।
राजस्थानले ५ खेलमा ६ अंक जोडेको छ ।
राजस्थान तेस्रो स्थानमा झरेको छ ।
