एजेन्सी । भारतीय क्रिकेट लिग इण्डियन प्रिमियर लिग (आईपीएल) को बलियो टिम चेन्नाई सुपर किङ्सले आयरल्याण्डका फास्ट बलर जोस लिटललाई नेट बलरको रुपमा भित्राएको छ ।
आगामी सिजन सन् २०२२ को आईपीएलको लागि चेन्नाईले जोसलाई नेट बलरको रुपमा लिएको हो ।
जोसलाई चेन्नाईले आईपीएलको लागि नेट बलरको रुपमा अनुबन्धन गरेको क्रिकेट आयरल्याण्डले जनाएको छ ।
‘जोसलाई बधाई छ जो आगामी आईपीएलको चेन्नाई सुपर किङ्सको सुरुवाती समयको लागि जाँदै छन् ।’ क्रिकेट आयरल्याण्डले जोसलाई बधाई दिंदै ट्विटरमा भनेको छ, ‘चेन्नाईको नेट बलरको रुपमा अनुभब लिन पाउनु शानदार
हुनेछ ।’
क्षमता विकास गर्ने मौकाका साथ जोसले ५४ टी ट्वान्टी खेलमा ५४ विकेट लिएका छन् । यस्तै उनले एकदिवसीय अन्तराष्ट्रियमा ३१ खेलमा ३० विकेट तथा ३४ टी ट्वान्टी अन्तराष्ट्रिय खेलमा १९ विकेट हात पारेका छन् ।
आगामी सिजनको आईपीएल यहि मार्च २६ बाट सुरु हुँदै छ । चेन्नाईले वाङ्खडे रंगशालामा ओपनिङ खेलमा कलकत्ता नाईट राइडर्ससंग खेल्दै छ ।
