पुजारा काउन्टी क्लबमा अनुबन्धित  

काठमाडौं । भारतका ब्याट्सम्यान चेतेश्वर पुजारा इंग्ल्यान्डको काउन्टी क्रिकेट क्लब ससेक्समा अनुबन्धित भएका छन् ।

विदेशी खेलाडीको कोटामा ससेक्सले पुजारालाई अनुबन्धित गरेको हो । अष्ट्रेलियाका टार्भिस हेडको स्थानमा पुजारालाई क्लबले अनुबन्ध गरेको हो ।

३४ वर्षीय पुजारा काउन्टी च्याम्पियनसिपको सुरुआती खेलबाटै टिममा उपलब्ध हुनेछन् । यसकै ५० ओभरको एकदिवसीय कपमा समेत उपलब्ध हुने बताईएको छ ।

यस्तै ससेक्सले अष्ट्रेलियाका जोश फिलिप्सलाई समेत अनुबन्ध गरेको छ । विकेटकिपर ब्याट्सम्यान फिलिप्सलाई मोहमद रिजवानको स्थानमा टिममा अनुबन्ध गरिएको हो ।

 फिलिप्स जुनबाट टिममा सामेल हुनेछन् । उनी टी-ट्वान्टी ब्लास्ट र काउन्टी च्याम्पियनसिपमा टिमसँगै हुने छन् ।