काठमाडौं । नेपाल क्रिकेट टिमका मुख्य प्रशिक्षक पुबुदु दासानायेकेले नेपालका लागि अबको चुनौती भनेको एकदिवसिय मान्यतालाई जोगाउनु रहेको बताएका छन् ।
श्रीलंका भ्रमणमा जानु अघि आयोजिक विदाई कार्यक्रममा बोल्दै दासानायकेले एदिवसिय मान्यता जोगाउनु नेपालका लागि अबको चुनौती रहेको जनाए ।
आईसीसी पुरुष विश्वकप क्रिकेट लिग टु अन्तर्गत युनाईटेड अरब इमिरेट्स (युएई) र पपुआ न्यू गिनीविरुद्धको त्रिकोणात्मक सिरिजको तयारीका लागि नेपाली टोली श्रीलंका जान लागेको हो ।
‘हामीले पछिल्लो समय धेरै टी–ट्वान्टी खेलहरु खेल्यौ । श्रीलंकामा हामीले खेल्दा खासमा एकदिवसिय खेलका लागि तयारी मुख्य उदेश्य हुनेछ । हामीलाई एकदिवसिय मान्यतालाई जोगाउनुपर्ने चुनौती छ,’ दासानायकेले बताए ।
यता कप्तान सन्दीप लामिछाने लिग टु का लागि तयारी राम्रो रहेको तथा श्रीलंकाको भ्रमणले टिमको तयारीका लागि राम्रो हुने जनाए ।
‘प्रतियोगिताको लागि राम्रो तयारी छ । श्रीलंका जादैछौ चारवटा खेल खेल्नेछौ । तयारीका लागि राम्रो हुनेछ,’ उनले भने ।
लामिछानेले नेपाली टिम संतुलित रहेको समेत दावी गरे ।
‘सोमपाल कामी र करण केसी पनि टिममा फर्किएका छन् । विक्रम सोबको उपस्थितिले टिमलाई उर्जा प्रदान गर्नेछ । रोहित पौडेल पनि टिममा फर्किएका छन् । टिम संतुलित छ,’ सन्दीपले थपे ।
कप्तान सन्दीपले ओमानमा भएको विश्वकप छनोटमा एक दिन खराब गएको भएपनि अहिले समग्रमा टिम राम्रो बताए ।
यसैबीच काठमाडौंमा आयोजिक कार्यक्रमकाबीच युवा तथा खेलकुद मन्त्री महेश्वरजंग गहतराजले टिमको विदाई गरे ।
नेपाली टोली शनिबार श्रीलंका प्रस्थान गर्नेछ ।
श्रीलंकामा नेपालले ४ अभ्यास खेल खेल्ने तालिका रहेको छ ।
नेपाली टोली श्रीलंकाबाटै मार्च १४ मा युएई प्रस्थान गर्ने छन् ।
नेपालले सिरिजमा युएई र पपुवा न्यू गिनी ९पीएनजी० विरुद्ध खेल्नेछ ।
सिरिजको पहिलो खेलमा नेपालले पीएनजीविरुद्ध खेल्नेछ ।
नेपाल र पीएनजीबीचको खेल मार्च १६ मा शारजहा क्रिकेट मैदानमा हुनेछ ।
नेपालले दोस्रो खेल युएईविरुद्ध मार्च १८ मा खेल्नेछ ।
नेपालको तेस्रो खेल युएईविरुद्ध नै मार्च २१ तारिखमा हुनेछ ।
नेपालले अन्तिम खेल पीएनजीविरुद्ध मार्च २२ मा खेल्नेछ ।
लिग टु अन्तर्गत ७ टिम सहभागि रहेका छन् ।
ओमानले २३ खेलबाट ३० अंक जोडेको तालिकाको शीर्ष स्थानमा रहेको छ ।
नेपाली टिम :
सन्दीप लामिछाने, ज्ञानेन्द्र मल्ल, दिपेन्द्र सिंह ऐरी, कुशल भुर्तेल,आरिफ शेख, आसिफ शेख, कमल सिंह ऐरी, विवेक यादव, सागर ढकाल, पवन सर्राफ, करण केसी, विनोद भण्डारी, रोहित कुमार पौडेल, सोमपाल कामी, बिक्रम सोब,भिम शार्की
अफिसियल :
कैलाश विष्ट - म्यानेजर
पुबुदु दशानायाके - मुख्य प्रशिक्षक
प्रकाश शर्मा - सहायक प्रशिक्षक
बिक्रम न्यौपाने - फिजियो
रमण शिवाकोटी - एनालिस्ट
राज शर्मा - ट्रेनर
